Puisi Jawa Banten | Encep Abdullah

Puisi Jawa Banten Encep Abdullah

Laila (1)

Laila, ning endi sire ngumpete nong

Kakang wis gegelati unggal bengi

Akune lamun pengen kependake si nong

Kakang kudu tafakur

Mun jereh Kamad mah siremah dudu uwong 

Lah, terus ape? Memedi?

Laila, wong lake mendane 

Ngomongi sire bae nong

Kakange kerok ules asline si nong kaye ape

Kakang mah percaye bae

Lamun Kakang bakal kependak nong Laila

Seyakin-yakine

Gusti Allah, tulung buke mate batin kite!

Kiara, Maret 2026

Laila (2)

Barang Kakang ngedeleng si nong

Ore seumpame temen

Kakange minder 

Ore pantes ngulihaken si nong

Kakang mah wong belingsatan

Berenges maning

Si nong mah ayu menyor kaye sewu bulan

Ngegeter ati kakang kerane ore kuat

"Lamun Kakang wis siap, Laila gah siap," 

jereh Laila

Kakang nyangkin ngederedet 

Kaye wong kesetrum 

Premen iki ngejawabe

"Iki udu masalah Kakang berenges 

atawe ape. Iki soal yakin. 

Lamun Kakang yakin, 

Laila bakal teke, ore mustahil. 

Saiki Laila wis ning arepan Kakang," 

jereh Laila

Tapi, suwe-suwe mate Kakang rade lamur

Si nong nyangkin ore kedeleng 

Rasane nong Laila kaye manjing

Ning jero badan Kakang

Kakang ngegublag!

Kiara, Maret 2026

________

Penulis

Encep Abdullah, penulis asal Pontang sing doyan mangan dadar endog lan oreg tempe.

redaksingewiyak@gmail.com

Puisi Jawa Banten | Encep Abdullah

Puisi Jawa Banten Encep Abdullah

Wadon Andeng-andeng

Nong Siti, andeng-andeng ning sor lambe sire

gawe manis sejagat, gawe Kakang kesemsem

Ikune andeng-andeng ulih tuku ape gegawan, Nong?

Bokan ulih tuku, Kakang gah pengen tuku

Arep dokon ning kelek, genah manis keleke

Nong Siti, Kakang weruh sire iku wadon demplon

Tapi endase doyan temungkul

Kakang weruh kerane si Nong isinan

Si Nong rajin salate, ore akeh lagane

Aje kaye Kakang sing melangak bae

Baranganu ketiban cecek sing duhur

Nong Siti, demen ore kelawan Kakang

Sing kendo mengkenen, sing doyan ngeloyor mancing

Uripe lalawore tapi mangane hawek, ape bae dilamot

Barang ngisinge sejebuk, cewoke banyu sesendok

Jawab geh Nong! Demen ore?

Nong Siti, lamun demen, menawi Kakange bise berubah

Dadi spidermen atawe hulk atawe power renjer

Genah dadi penolong  urip si Nong

Barangemah Kakang gah ore seumpame rasane demeni si Nong

Wis ireng, kuru, cilik, kaye curut kejepit mengkenen

Tapi, wis ore, andeng-andeng si Nong gawe ore bise turu Kakang

Pokone sampe Lebaran monyet gah tak tonggoni atine si Nong!

Kiara, Februari 2026

Cerite si Juned lan si Romlah 

Awale jejorangan

Awale ceceletukan

”Eh, wader pitak!”

”Sirekuh iwak blodog!”

”Anegah sire kerupuk umes!”

”Sirekuh badeg kaye lembing!”

”@#$%^&*@#$%^&*”

Baranganu dedemanan

”Kite demen sire!”

”Kitegah iye!”

”Ailopyu!”

”Ailopyutu!”

Baranganu kekangenan

Baranganu nyenyompokan

Baranganu pepetengan

Baranganu enjot-enjotan

Baranganu ...

”Juneeeed! Kitane meteeeng!” jereh si Romlah

“Orelaaah, kabuuuur!” jereh si Juned.

Kiara, Februari 2026

________

Penulis

Encep Abdullah, hobi mangan dadar endog lan oreg tempe.

redaksingewiyak@gmail.com

Puisi Jawa Banten | Encep Abdullah

Puisi Jawa Banten Encep Abdullah

Nyilih Satus

Token muni

Gas entek

Bensin entek

Beras entek

Ban bocor

Pendil bolong

Rabi purik

Pengen tuku cangcut anyar

Anak nangis

Pengen tuku mubil damkar

Beranganu

Baturan teke 

Akune:

“Nyilih satus sih!”

Biadeg-adege!

Ting buating!

Ngblekenek!

Amit-amit!

Allahumma shalli 

alaa Muhammad

Februari 2026

Bedane Ore Mangan lan Ore Salat

Ore mangan sedine

Ore mati

Lemes doang

Ore salat sedine

Badane urip

Tapi jiwane mati

Februari 2026

______

Penulis

Encep Abdullah, tukang mangan dadar endog.

Kirim naskah

redaksingewiyak@gmail.com

Puisi Jawa Banten | Encep Abdullah

Puisi Jawa Banten Encep Abdullah

Longsong

Ibu kite brojol

Kite selamet

Longsong

Kite disapih 

Ibu kite longsong

Nambah maning 6 

Brojol kabeh

Longsong

Anake lulus sekola

Longsong

Anake wisuda

Longsong

Anake pade megawe

Longsong

Anake wis kawin

Longsong

Rabi kite brojol

Ngulang maning sing awal

Longsong iku kapan?

Ape seuwise longsong

Kudu ngelungsungi kaye ule?

Kedahemah mekoten

Badan lan batin anyar maning

Dadi wader maning

Dadi bayi maning

Longsong

Ngelungsungi

Mati

Ape wong mati iku longsong?

Gusti Pengeran

Inna sholati wanusuki wamahyaya wamamati lillahi robbil alamin

Kiara, 2025

Murid Saiki

Duwe otak ore bise mikir

Duwe ati ore ngererati

Dikon takon cangkeme mingkem  

Dikon jawab nyangkin melempem

Dikon belajar pejirih

Dikon etes pejirih

Barang tawuran nomor siji 

Barang pacaran nomor siji

 

Barang gede nyalon dewan

Duit rakyat genah memengan

Larak-lirik perawan

Kiara, 2025

_________

Penulis

Encep Abdullah, tukang mangan dadar endog.

Kirim naskah

redaksingewiyak@gmail.com 

Puisi Jawa Banten | Encep Abdullah

Puisi Jawa Banten Encep Abdullah

Si Kamad

si Kamad badane petekel tapi memen

doyan melider-melider ning latar malaki uwong

lamun ore digei picis atawe penganan 

bakale merongos-merongos

ngiduhi rai nang ore ngebadug kare watu

kite ore kukup ngeladeni si Kamad

mendingan melayu atawe adawadan mati

tapi ules si Kamad iki ane ning endi-endi

ujug-ujug ane ning arepan kite

tangane sembari nadong 

“genah tuku rokok,” jereh si Kamad

unggal dine ngerecek nadong ning uwong

uripe belangsak padahal bengene wong sugih

mobile lime, umahe wolu, rabine papat

tapi peragat kerane judol

kerunye barangemah ngedeleng si Kamad

”tulung kite keh, pegel temen urip iki,” jereh si Kamad

aih, galimah si Kamad iku sire

sing wace puisi iki!

Kiara, November 2025

 

Si Kamad Maning

nabet mikiri si Kamad

wakeh pegawean sing ngangkrak

kedahemah peragat nulis cerite cendek

nulis puisi, nulis catetan utang

si Kamad kon kawin maning gati, jerehe ore payu

kon megawe ning pabrik, ngakune ulap adoh

kon ngoyos, ngakune bokan kulite ireng

si Kamad wis ore kebite dunie

tapi ongap megawe

lamun wis ulih roko ngejubleg ning gardu dese

dodok sembari ngopi ireng Bi Kamsinah

“ruwed tapi nikmat temen urip iki, Bi Kam,” jereh si Kamad

Kiara, November 2025

_______

Penulis

Encep Abdullah, tukang mangan dadar endog.

Kirim naskah

redaksingewiyak@gmail.com

Puisi Jawa Banten | Encep Abdullah

Puisi Jawa Banten Encep Abdullah

Ruwed Dewek

Unggal dine menuse ketelimbeng

Arep ngeluh apa maning

Wis kakehen aduh-aduh ning Gusti Pengeran

Ditahan-ditahan ore bise

Menuse duwe ati

Kadang banyu mate mili dewek

Padahal lake sing nempiling

Dine iki nangis  

Ko esuk jingkrak-jingkrak

Esuke nangis maning

Mangan maning

Adus maning

Turu maning

Ngising maning

Kawin maning

2025

Petoak

Wis tekang endi kite dolanan ning dunie iki

Lake alat ukure

Padahal Pengeran ngekon kite kudu nimbang-nimbang dewek amale

Sing kite timbang-timbang wonganan udu amal

Tapi picis, jabatan, pangkat, wadon prigel, skinker

Suwe-suwe mati atine

Digei gering ngeluh

Digei musibah ngelumah-lumah

Petoak doang!

2025

Dolan sing Adoh

Cah, uripmah aje megegeg bae

Endas kudu mikir

Pawon kudu ngebul

Jerehe “rezekimah wis ane sing ngatur”

Tapi, unggal dine ngelonjor bae ning kasur

Sekrol-sekrol tiktok deleng sing munel-munel

Cah, gelati pegawean iku gati

Aje ilok ceplas-ceplos "leh, enje sih ore megawe gah masih urip"

Tak jawab ning kite, " leh, entut badeg!

2025

_______

Penulis

Encep Abdullah, penulis sing doyan mangan endog.

redaksingewiyak@gmail.com 

Puisi Jawa Banten | Makrifat Bayhaki

Puisi Jawa Banten Makrifat Bayhaki

Beras Kencur

Mang Dul lagi macul

Ditubruk macan tutul 

Getihe muncar-mancur

Ditambani beras kencur

2025

Bocah Polod Ngerewangi Sawah

Ngembang lan mendote wijil pari 

Ngebebungah jero ati

Sedurunge manuk-manuk mareki

Lan ngareni bocah cilik sewiji

Sing kekelangan kakang 

Beberekan sing nyerupe tembang

Kakang-kakang gagi mulihe

Pari si kakang entekkan manuk

Manuk deruk sing ngeruki

Manuk bondol sing ngeggondoli

Manuk peking sing nyangkingi

Serang, 2025

Cocot Loro Kependak Endas Loro

Wong wadon wakeh omonge

Aje diembil ati 

Sebab loro cocote

Wong lanang

Rungseb kelawan beberekan rabi

Kudu dipotel endase sing loro

Serang, 2025

________

Penulis

Makrifat Bayhaki, asli wong Begog, gelati picis ning Jakarta, rabine wong Tersaba. 

redaksingewiyak@gmail.com

Puisi Jawa Banten | Oki Khaeri Rojab

Puisi Jawa Banten Oki Khaeri Rojab

Wulan ing Srengenge

Adar ider -- Adar ider -- Adar ider

Lanang linglung 

Ngilar demen – nilar kedemen 

Ngilari sebab lan musabab perkare acak 

Wong wadon dados srengenge 

-- dados wulan ing dinten peteng 

Malihe 

mulih

Ing hikayat wong tuane sedanten

Telas Chandra pun Devvita

Sedanten lare lan pepeke boten rempug den jabar-jeri 

Botan antuk jengkat pun malih tetande

Sekalihe kantos 

Ngantosaken demen maring kang haqq

Kang ngeratoni sedanten luhuq

Wadon ngan pepaes 

Wadon ngan pepeke

Kedah dirupie

Kedah ditelikani 

Amben, Gili kaliasin – 1444H

Deluang Kuning

Blak ngeblak

Samar-samar perkare rumped 

Diblakaken 

Bakekok!

Kelawan dhomah

Sing ngegantungaken mim ing dalem gumantunge kawitan

Tur kho' kang maparing kabar saking Khaibar 

Welad gede

Sinten setuhune raje lan pengeran

Pok Menare, Singarajan -- 24 Feb 2022

 

Nariyyah

Nun saking Nariyyah

Ing taun sewu wolungatus wolungpuluh wolu

Nun ing nariyah

Umpetne tetande noktah

Macehe sedanten wong Banten

Nun saking Nariyyah

Ing patangewu patangatus patangpuluh papat

Rep -Pepasten mace kedah sirep

Eling lambe mingkem

Ati kang kedah usik

'Ala hadihinniyah

Walikullinniyatin sholihah

Maqbaroh Baituttaqwa, Singarajan - 10 Robi’ul Akhir 1447H

_________

Penulis

Oki Khaeri Rojab, tukang ngelamun.

Kirim naskah ke

redaksingewiyak@gmail.com 

Puisi Jawa Banten | Ihya Dinul Alas

Puisi Jawa Banten Ihya Dinul Alas

Getih Lanang

Udan ngejelma tali

Angin dadi aran

Menit jam tetep ngelangkah

Semisal gunung disungkal 

Laut tek kelilingi

Ore mundur

lanang akeh akale

Getih lanang pantang nyerah

Ya sayyidi dadi sakti

Ing tengah wengi

Ngadeg ing tengah jagat

Dadi siji manjing ati

2024

Digdaya Doa

Iki asihan sing ibu

Ika kekuatan ana ning bapa

Sebagai anak lanang

Kudu ngedueni lelemek

Gona dalan ana cekelan

Ilmu kudu ditunggangi

Aje gelem ditunggangi ilmu

Manjing rasa

Sukma dadi

Uluk salam ing kang dingin

Selamet sekabeh dunia lan ahirat

2024

_______

Penulis

Ihya Dinul Alas duwe aran asli Mamat Safrudin. Lahir 7 Agustus 1982. Sibuk ngajar ning SMA Asy-Syarif Ciruas lan SMA Darrurohman Walantaka. Sedang aktif kembali di Kubah Budaya sebagai narasumber.

Kirim naskah ke

redaksingewiyak@gmail.com

Puisi Jawa Banten | Oki Khaeri Rojab

Puisi Jawa Banten Oki Khaeri Rojab

Mulih

Woi!

Bocah-bocah ireng

Lelopot endut saking sabin

Mulih waktos tabuh megrib

Pepelayon ngudag pawon

Adar ider kebelinger

Melayu saking setan jarring

Teritih, 14 September 2024

Madep

Lumaku saking etan

Gegancangan ngudag bedug

Ngarah ingkang

Nadah wirang

Pepelayon ati ming jeroning pati

Pati lemah – pati bumi

Dados sari ning jero ati

Patine lintang tanggal lanang

Ngambung lemah ngunduh pasrah

Ngarah jejeg ati kang pajleg

Nampi – nadah naktu lampah

Meneng maring jumeneng

Jejeg-pajleg ming kang kasrah

.

Eeeeeiiii eling eling kang lali

Kang unjar-unjaran ming banyu kali

Waktos mulih sampun pedek

Bedug magrib sampun rauh

Pun waktose ngederes urung sepuh

Teritih, 7 Muharam 1446 H

Mulih 2

Akas waktose awak

Pun niki

Badan dados bebatang

Sikil den sindet

Tangan sedakep

Tengen ning sore

Kiwe ning duhur

Pepet sampun bebolongan

Waktose awak di deres

Pitung lapis putih dados bungkus

Pun niki waktose pupus

Ruh mulih

Awak dideres

Meneng jumeneng

Pepasten linggih

Teritih, 10 Robiul Awal 1446 H

________

Penulis

Oki Khaerul Rojab, lahir ning Singarajan, Pontang. Pemude sing doyan kawanan lan telat sarapan. Penikmat puisi lan segale kenang. Cita-citane pengen duwe empang lan kebonan kelape.

Instagram: @_k.rojab

Kirim tulisan

redaksingewiyak@gmail.com

Puisi Jawa Banten | Oki Khaeri Rojab

Puisi Jawa Banten Oki Khaeri Rojab

Brokbok

Tengah wulan

Jejake ngobong menyan

Nambe ati ngarep wirang

Mace jampi -- melet rangde pirang

Tengah wulan si jake beruhun merang

Ngobong dami saking salang

Ngengace rai ning lembedang

Mirit rambut dadi lanang

Dumadi-kem  

Pati-lungguh Sri

Wong Lanang ngelindur 

Tengah wengi 

Cengar - cengir madep Etan 

Teritih 7 Muharam 1446H

Along

Mulih miyang 

Wong Empang ngangkat wuwu

Saking lawang banyu 

Sesipeng boten turu 

Mulih miyang 

Wong mancing masang teger 

Manjer walesan ning pojok rawe

Sesipeng boten turu

Mulih miyang

Wong laut manek bagan

Ngale iwak tengah laut

Sesipeng boten turu

Mulih miyang 

Wong pesisir nguace langit

Sesipeng boten turu

Badan kuru -- endas cemplu

Mangan angin -- gati ngentut

Along kok brut 

Teritih, 7 Muharam 1446H

Madep

Lumaku saking Etan 

Gegancangan ngudag bedug

Ngarah ingkang 

Nadah wirang 

Pepelayon ati ning jero Pati

Pati lemah -- Pati bumi

Patine lintang tanggal lanang 

ngambung lemah ngunduh jejeg

Nampi - nadah naktos lampah

Ngarah pajleg atawis kasrah 

Eeeeeeiiiii wong kang lali

Wong kang unjar-unjaran ming banyu kali

Waktos mulih sampun pedek 

Bedug magrib sampun rauh 

Waktose ngederes urung sepuh 

Teritih, 7 Muharam 1446 

Catatan:

Deres = ngederes layangan

________

Penulis

Oki Khaeri Rojab, salah siji jejake kasep saking Pontang. Demen kelayaban sambil gelati pengurip-urip pikiran. Geremasem lan apem Legon dadi pepanganan kedoyan. Masih bujang lan demen nandur kembang. Lagi belajar rajin nulis, salah siji lan embeke bise nulis puisi.

Kirim naskah 

redaksingewiyak@gmail.com 

Puisi Jawa Banten | Ki Arjuna

Puisi Jawa Banten Ki Arjuna

Ketelimbeng

Wong enom tapi tua

Wong tua tapi enom

Ulese enom kelakuane tua

Ulese tua kelakuane enom

Rabi mateni laki

Laki mateni rabi

Wong tua ngebuang anak

Anak ngebuang wong tua

Sedulur ora akur

Sing akur dadi dulur

Waktu susah gelatine batur

Waktu senang turu ning kasur

Pekaya akeh dadi ukuran kemulyaan

Wong mesakat ora keopenan

Statusemah gegayaan

Nyatanemah lagi kepayahan

Wakeh wong sing ketelimbeng

Ora due duit jerehe paleng

Diajak ibadah ngakune durung seumpama

Ari maksiyat sedina-sedina.

Pipitan, Juli 2024

Nonggoni Malaikat Lewat

Ngejentul ora puguh

Wonge meneng atine mabur

Jerehe gelati inspirasi

Sing ngegantung ning lelangit sore

Gegodan sing hape seliwar seliwer

Ngeganggu pikiran sing pengen anteng

Atimeh pengen ora kegoda

Ari tanganmah reflek ngebuka 

Laju bareng inget iku gegodan 

Balik maning ngejaluk ning pengeran

Ngejajal lewih khusu karo rokok sebatang

Endah jol langsung dingean

Sing ditonggoni ora gelem teka

Sing dienteni laka gelagate

Ngegerunek dewek ning jero ati

Kapan malaikat nyamper ngean inspirasi

Pipitan, Juli 2024

______

Penulis

Ki Arjuna, pendidik saking Ponpes Darussalam Pipitan. 

Kirim naskah ke

redaksingewiyak@gmail.com 

Puisi-Puisi Sunda Banten | Asep Syaeful Bahri

Puisi Sunda Banten Asep Syaeful Bahri

Kerokan Jenggot

:Uu Ismail

Sieun

Bulu alus laleungitan

Bungeut lesang kos hulu gabus

2024

Di Makam Abah

Batu nisan ngajejer rapih

sararepi

Kembang beureum, putih, koneng

saseurian

Pacul, ember, sendok semen 

ngabaturan

Tukang jaga makam 

ngopi teu eureun-eureun

2024

Cau 

Hayu urang dahar, Mang

rasana amis biye

kos tai orok

meureun

2024

_________

Penulis

Asep Syaeful Bahri, guru di Tangerang. 

Kirim naskah ke

redaksingewiyak@gmail.com 

Puisi Jawa Banten | Oki Khaeri Rojab

Puisi Jawa Banten Oki Khaeri Rojab

Segare

Segare saking utare

Pesisir lemah Lor!

Lontar!

Wit saking Pontang maring tenare

Imit-imit ngemimiti lemah lan telage 

Rauh pepeling saking utare

Banyu dados gegare 

Dados genah kang sampun ten bangkit diruwat 

Tilar sampun ambek pun niki

Nilem sedanten piambek menungse 

Segare saking utare -- karen sampah, balung lan ambu bacin 

Mentas saking lintang

Kelebu sedereng layar dibentang 

Perahu-perahu mamende lan bape kayi

Ngan dados panjang ing se-idere kali

Muware pun-niki 

Ngan wadah jarit, sempak, kutang atanapi ponjen-ponjen pelastik

Serte watang-watang tugel kang aking

Diantos layung nelike banyu rob maring segare

Rawuh lan mantuk saking gegare

Lontar, 20 April 2024

_____

Penulis

Oki Khaeri Rojab, Pemude pontang-panting saking Pontang.

Kirim naskah

redaksingewiyak@gmail.com

Puisi Jawa Banten | Oki Khaeri Rojab

Puisi Jawa Banten/Jaseng Oki Khaeri Rojab

TEN WENTEN

:saking kasih ming kekasih

Lan pisan malih

Saking nape damele andike

Gumede ming ganyahe dunye

.

Kang ten wenten segelepung meledug

Kang ten wenten bagje ing sejerone

.

Pun

Pundi malih andike ayun ming pundi 

Anggrek Puri, Rowah, 1445 H

SI LANTUNG

Rojab

Heiiiiiiiii

Segare segare saking utare

Curug deres ulon

Bakte meriki bayu 

Ming murage lemah 

Waktos sampun nibani peteng

Dalu linggih antawis sedanten

Alahhh tembelek wis ore lantung

Alahhh

Alahhh

Alahhh sire kuh

Luntang 

Anggrek Puri, 3 Maret 2024

_____

Penulis

Oki Khaeri Rojab, penyair, pemuda Desa Singarajan, Pontang. 

Puisi Jawa Banten | Ihya Dinul Alas

Puisi Jawa Banten/Jaseng Ihya Dinul Alas

Maen Layangan 

Mediso mabok kepayang

Ngudag layangan keleh aduan

Sendal copot ambekan ngongsrang

Ore wedi bakal kena marah 

Layangan soek olih rebutan

Puas ati gona cerita bisuk

Menang aran harga diri

Dipajang ning tembok umah

Sambil ngopi mesem dewek 

Tahun layangan suka cita

Dadi lomba nenangis bocah

Wong gede embil kesempatan

Ramerame gawe rencana

Sebab uwong pada demen pepanasan 

Citerep, 2023

_______

Penulis

Ihya Dinul Alas duwe aran asli Mamat Safrudin. Lahir 7 Agustus 1982. Sibuk ngajar ning SMA Asy-Syarif Ciruas lan SMA Darrurohman Walantaka. 

Kirim naskah ke

redaksingewiyak@gmail.com

Puisi Sunda Banten Asep Bahri

Puisi Sunda Banten Asep Bahri

Loba Lua-Lieuna

dur barangkat

aya bae nu can rapih

ngke kiih heula

ngke neangan jem heula

nggeus di jero mobil

eh eh eh ngke heula

peci katinggaleun

urut tadi di kamar mandi

heuh, dewek kumaha sih!

Mata Nu Rada Lain

loba culak-cileuk

teu barani ngadu deuleu

batur nempo

malah tungkul

batur tungkul

malah nempo

mata jalema nu ndeuk maling 

meureun

Hate Bikang

emang ari hate mah moal bisa dibohongan

sanajan teu kadeuleu

ari hate nggeus ngarasa lain 

sok aya bae 

pan karasa ku sia geh! 

Goreng Hate

kadeuleuna bae bersih, seungit

can puguh jero hatena mah.

Aing Lain Jalema Hade

bawaan mah tenang

kadeuleuna mah loba seuri

jero hatena mah euwueh nu nyaho

pan ari jalema mah

rupa-rupa

aing geh can puguh bener, dak!

________

Penulis

Asep Bahri, tinggal di Sepatan, Kab. Tangerang. Saat ini sedang berusahan naikin tier ke legend.

Kirim naskah

redaksingewiyak@gmail.com

Puisi Jawa Banten Encep Abdullah | Gare-gare Bacot

Puisi Jawa Banten (Jaseng) Encep Abdullah

Gare-gare Bacot

Awal mulane adem mayem 

Keuripan ning sebuah kampung 

Puguh-puguh Rojali ngebacot

Akune Jupri selingkuh kelawan Munah

Rabine Jupri ngerungu

Balik-balik Jupri digeletok centong

Pawone awur-awuran kaye tai jaran

Jupri ore weruh ape-ape

Ore weruh salahe ape

Rabine uring-uringan jaluk pegatan

Jupri kukur-kukur endas lan silit

"Iki kayane ulahe Munah," jereh Jupri

Wadon sing bengen pernah ditolak deweke

Laju Jupri marani dukun

Rai-raine ning baskom kedelenge mirip si Munah

"Wis ore salah maning," jereh Jupri.

Cangkem uwong meladar-melider gelati kuping

Sampe ning kuping Munah

"Kurang asem si Jupri, wismah nolak kite,

nuduh kite gune-gune rabine maning. 

Ore terima kite. Kaye wong iku saking gagahe bae.

Ules kaye silit kebo bae akeh lagane!" jerehe.

Sekampung teriwuh

Cangkem uwong ore kedeleng sumber asline

Nguyab merana-merene 

Kaye laron-laron mabur ning musim penghujan

Jupri lan Siti masih tetukaran

Rojali khusyuk maen kerambol ning gardu 

Wong edan lan kucing akur 

Mangan sekul basi ning sor wiwitan

November, 2023

_________

Penulis

Encep Abdullah, penulis sing doyan mangan endog ayam setengah mateng.

Kirim naskah ning

redaksingewiyak@gmail.com

Puisi Jawa Banten | Oki Khaeri Rojab

 Puisi Jawa Banten Oki Khaeri Rojab

Noktah

Rauh saking segare 

Ngantosaken alamat lahir perkare

Wajibe seket kang kedah diuningi 

Kongang mohal lan kang pasti wajibe

Kawitan kang kedah di uningi

Seket bagi telu kangge rong dzat kang mulye

Saking segare 

Dados lemah lan kangge segarane

Hu 

Ya hu 

Yaaaaaa 

Hua illah 

Pontang, 12 Mulud 1445 H

______

Penulis

Oki Khaeri Rojab, pemude paling gagah ning Singarajan.

redaksingewiyak@gmail.com

Puisi Jawa Banten | Ihya Dinul Alas

Puisi Ihya Dinul Alas

MAlIH RUPA 

Duh gusti

Tulungi kita kien

Kelantar ore ketemu puguh

Krunya anak rabi

Endah wareg 

Lan ibadah kula tenang 

Lamuntah ana dosa sing manjing

Atawa nempel ning badan

Tulung dibersihaken 

Iki mangsa benerbener edan

Ana wong rupane monyet

Ana setan rupane kiyai

Segalane jadi rumek 

Mun pangeran ore nulungi

Kayanekayane kita gah

Ngerupa kiyai

Walantaka,  2023

GONG

Sing endi iki tekane muni gong kien

Saban bengi angger

Sampe ngitung duit salah bae

Bekas subuh dagang cocot

Sampe kopi entek limang gelas 

Jam tembok naboki mata

Tapi ati masih gegerayang muni gong

Bokan ko isuk laka sing nabuh

Jadi melu sepi laka batur gona begadang 

Citerep, 2023

_______

Penulis

Ihya Dinul Alas bernama asli Mamat Safrudin Lahir pada, 7 Agustus 1982. Mengajar di SMA Asy-Syarif Ciruas dan SMA Darrurohman Walantaka, Kota Serang. Akhir-akhir sering absen di kegiatan Kubah Budaya meskipun sebagai awal berdirinya komunitas yang dibanggakannya bersama kelima kawan tongkrongan di DPM (depan pohon mangga) semasa kuliah.

Kirim naskah ke

redaksingewiyak@gmail.com